Naatsorsuineq: Najukkani marlunni inuusuttut ilinniagaqanngitsut suliffeqanngitsullu amerlaqaat
Nuna tamakkerlugu agguaqatigiissitsinermut 32 procentiusumut naleqqiullugu Qaanaami Tasiilamilu inuusuttut 40 procentinit annertunerusut inuusuttuni sullinniakkani nalunaarsorsimasut, Naatsorsueqqissaartarfiup kisitsisaataasa takutippaat.
2022-mi inuusuttut ilinniagaqarsimanngitsut suliffeqanngitsullu 30 procentiupput.
Tamanna Naatsorsueqqissaartarfiup nalunaarusiaani inuusuttut sullinniakkanik taaneqartumi, tassa inuusuttut 16-it 25-llu akornanni ukiullit ilinniagaqanngitsut suliffeqanngitsullu pillugit saqqummiussami, erserpoq.
Naatsorsueqqissaartarfik naapertorlugu inuusuttut sullinniakkat 2016-imiilli 1 procentimik ikileriarsimapput.
29 procentit ilinniagaqartut 41 procentillu suliffeqartut
- Piffissamilu pineqartumi inuusuttut suliffillit 2 procentpointinik qaffariarsimasut, ilinniakkamik ingerlatsisut 1 procentpointinik appariarsimapput.
Taamaattorli 2022-p naanerani Kalaallit Nunaanni inuusuttut 16-it 25-llu akornanni ukiullit 5.253-it imaluunniit 70 pct.-ii ilinniarfinnut suliffeqarfinnulluunniit atassuteqarput.
Taakkunannga 29 pct.-it efterskolernermik imaluunniit tunngaviusumik atuarfimmit qaffasinnerusumik ilinniakkamik ingerlatsipput, 41 pct.-iilu suliffeqarlutik, naatsorsuutit takutippaat.
Aammattaaq najukkat assigiinngitsut akornanni assigiinngissuteqarneq naatsorsueqqissaartarfiup maluginiarpaa, inuusuttut sullinniakkat aqqaneq-marlunnik ukioqalereernerminni sumi najugaqarnersut misissorlugu.
Nuna tamakkerlugu agguaqatigiissitsinermut 32 procentiusumut naleqqiullugu Qaanaami Tasiilamilu inuusuttut 40 procentinit annertunerusut inuusuttuni sullinniakkani nalunaarsorsimapput.
Iluatsilluartoqarporli, Qaanaamimi inuusuttut sullinniakkat 2017-imi 48 pct.-iniit 2022-mi 41 pct.-inut annikilleriarsimapput.
Takussutissami tulliuttumi nunap immikkoortuini tamani kisitsisit takuneqarsinnaapput:
