Naggueqaterput ministerinngortoq siulleq
Qanganisarsiortup Leona Aglukkaq-p peqqinnissaqarneq Canadami tamarmi akisussaaffigilissavaa. Naggueqaterput siullerpaamik ministerinngortinneqarpoq.
Canadap oqaluttuarisaanerani sisamanngorneq 30. oktober tupaallaffiuvoq. Qanganisarsiortoq Leona Aglukkaq – naalakkersuinermik malinnaasunut – tupaallannaqisumik Canadami naalakkersuisooqatigiinni naggueqatitsinnik ulloq taanna ministeritut toqqangaavoq.
Persuarsiorluni pisortatigoortumik ivertinneqarpoq Canadamullu tunniusimanissi neriorsuutigaa.
- Oqaluttuarisaanermi pisoqarfiuvoq tamannalu malunnarpoq inuit canadamiullu tamarmik nuannapput, naggueqatigiit inuit Canadami kattuffianni Inuit Tapiriit Kanadami pisortaat, Mary Simon, tusagassiorfimmut The Canadian Press-imut taama oqarpoq.
Ministerinngorlaaq Leona Aglukkaq Nunavumi inunngorpoq tasamanilu illoqarfigisamini naalakkersuisooqatigiinni ilaasortaasarnermini peqqinnissaqarneq aningaasaqarnerlu naalakkersuisuuffigisarsimallugit.
Nunavumi 14. oktober qinersisoqarmat qinigaavoq.
- 1971-imi misigisatsinnut assiguvoq, taamanikkut Knud Hertling nunatsinnut ministerinngortinneqarmat. Taamani nuannattoqarpoq inuiaqatigiillu ataqqineqartut takutinneqarpqq. Canadami inuit eqqillilu assorsuaq iluaquserneqassapput, ICC-ip nunatsinni siulittaasua Aqqaluk Lynge KNR-imut taama oqarpoq.
Leona Aglukkaq- uia Robert-imik ateqarpoq ernerallu Cooper-imik ateqarluni.