Najukkani siunnersuisoqatigiit suli piupput
Inatsisartut ataatsimiitsitaliaat inatsiartullu siulittaasuat kommunit isornartorsiuinerannut tusaaniarput.
Najukkani siunnersuisoqartigiit Inatsiartut ukiarmi ataatsimiinnermi suujunnaarsitaat nutaamik periarfissinneqarput.
Naalakkersuisut siulittaasuata - kommuninullu naalakkersuisuusup Hans Enoksenip, Siumut - Nuummi borgmesterit kommunaldirektørillu ataatsimiinneranni neriorsuutigaa, najukkani siunnersuisoqatigiit sorsuutiginiarlugit.
Inatsisarut kommuunit nutarterneqarnerannut atatillugu ataatsimiitsitaliarigallagaani siulittaasoq Ane Hansen, Inuit Ataqatigiit, oqarpoq, ataatsimiitsitaliap tullianik ataatsimiinnissaanni nutaamik periarfissinneqassasut.
Inatsisartut najukkani siunnersuisoqartigiit atorunnaarsinneqarnissaannik isummernerat kommuniniit sakkortuumik isornartorsiorneqarnera Inatsisartuni naalakkersuisunilu tusaaniarneqarsimavoq.
– Naalakkersuisut nunaqarfinni aqutsisut atorunnaarsillugit najukkani siunnersuisoqatigiinnik taarserneqarnissaannik ukiarmi siunnersuutaat ataatsimiitsitaliami tusarumaneqanngilluinnarsimavoq, Ane Hansen Sermitsiamut oqarpoq.
– Nunaqarfinni aqutsisut atuutsiinnarniarpagut, kisianni allatut ilusilimmik, nunaqarfiit sanileriit ataatsimut aqutsisoqalersinnaasunngorlugit.
– Taamaalilluta aamma najukkani siunnersuisoqatigiit naaggaarpagut, kisianni immaqa tamanna sukkavallaamik aalajangiineruvoq.
– kommunit akerliunerat tusaavara, taamaattumik naammagittaaliuut tamanna ataatsimiitsitaliap tullianik ataatsimiinnissaanni siullermi oqaluuserissavaa, Ane Hansen oqarpoq.
Sermitsiami aamma atuaruk.