Nakuusap meeqqanut tamanut tunissutaa tusarnaaruk
Juunip aallaqqaataani meeqqat ulluannut atatillugu Nakuusap Nunatsinni meeqqat tamaasa erinnamik tunissuteqarfigai, taanna Nanook peqatigalugu taalliarineqarlunilu erinniarineqarpoq
Meeqqat pisinnaatitaaffii pillugit illersuiniaqatigiiffiup Nakuusap Nunatsinni meeqqat tamaasa tunissuteqarfigai, erinaq Nakuusamit aamma Nanookimit oktoberimi meeqqat Ilulissani ataatsimeersuarneranni taalliarineqarsimasumik tunissuteqarfigaat.
Erinaq, ”Ullorissat Isigaakka”-mik atserneqartoq, kaammattuinermik ataatsimoorlunilu siunissamut pitsaanermut sanarfeqatigiinnissamut kissaateqartumik taallartaqarpoq.
Erina uani ataani tusaajuk:
Taallartaa Nakuusap Meeqqat Isummersorfiata Nanookillu allappaat, erinaa qatanngutigiit Frederik aamma Christian Elsnerikkut suliarigaat. Ukiup ingerlanerani Nanookikkut Nakuusao Meeqqat Isummersorfianiittut ilaat suleqatigalugit immiussipput.
- Unammillernaqaaq assut, kisianni aamma assorsuaq nuannerluni pilluarnarlunilu taamatut meeqqanut tunniussisinnaalluni. Uanga Frederillu aamma pissarsiaqartorujussuuvugut ilikkagaqarlutalu, Nanookimeersoq Christian Elsner taama oqarpoq.
- Meeqqat pikkoreqaat aamma Tupaarnaq Mathiessenip ikiortitut peqataanera iluaqutigeqaarput. Meeqqat erinnioqataallutillu taallioqataapput, aatsaavissuaq taamatut suliaqarluta misiliigatta oqarsinnaavugut iluatsilluartoq, taanna oqarpoq.
Meeqqat Ulluanni Nuummi Katuami Nanookimit Christian Elsner Nakuusap meerartai kiisalu Tupaaranq Mathiessen peqatigalugit erinaq appinneqarpoq.