Nakuusernermik suliat: 2012-mi suliat 2011-mit amerlanerupput
Nuummi politiit ukioq manna maannamut nakuusernernik 241-nik nalunaarfigineqarsimapput. Siorna taakkua 232-nik amerlassuseqarput
Juullip tungaanut nakuusernermik nalunaarutiginninnerit nutaat kingorna ukioq manna nakuusernermik suliat 241-t Nuummi politiinut nalunaarutigineqarput. Taakkualu siornamut sanilliullugit qulingiluanik amerlanerupput.
Taama Nuummi politiini politikommissæri Niels Nyvang nikalluallannartumik nalunaarpoq.
- Nakuusernermik suliat nalunaarutigineqartut 80 procentiisa missingi angerlarsimaffimmi eqqissiviilliornertut (ilisarisimaqatigiit aappariillu akornanni assortuunnerit) imaluunniit inuinnaat angerlarsimaffiini ataatsimuualaarnernut atatillugu imigassartorsimanermi aallartittarsimassasut naliliivugut.
Læs "Stille jul for politiet i Nuuk"
- Innuttaasut imigassartornikinnerulernissamik sunnersinnaasuugutsigik imigassartorsimananilu aaqqiagiinngissutinik qaangiiniartarnissamik sunnersiinnaasuugutsigik, taava nakuusernermik nalunaarutiginninnerit malunnaateqarluartumik appariartissinnaassagunaraluarpavut, Niels Nyvang oqarpoq.
- Nakuusernermik nalunaarutiginninneq ataaseq suli amerlavallaarpoq, neriunniarta ukiup sinnera juullikkunnisut issasoq nakuusernermik nalunaarutiginnittoqanngilluinnarluni, Nyvang erseqqissaavoq nassuiaallunilu juullikkut juullernissaanut sapaatip-akunneranut sanilliullugit eqqissisimanarsimasut.