Nammineerneq tikaagulliilluunniit
Hans Enoksen Ilimanami innuttaasunik ataatsimiititsinermi arnanit tikilluaqquneqarpoq.
Namminiilernissaq innuttaasut novemberip 25-ianni taasissutigissavaat, nerisassaqartuartariaqarpugulli.
Tamanna naalakkersuisut siulittaasuata Hans Enoksenip marlunngormat Ilimanami innuttaasunik innuttaasut taasinissaat namminiilernissarlu pillugit ataatsimiititsigami uppernarsivaa.
Naalakkersuisut siulittaasuat nunaqarfimmut 80-nik inulimmut tikinngitsiartoq tikaagullimmik nunaqarfiup qanittuani takusoqarsimavoq.
Nunaqarfiup angutitai tamarmik umiatsiaaqqanik umiatsiaanillu aallakaasimapput, nunaqarfiullu arnartai kisimik katersortarfimmut ataatsimiigiarput.
Tamannalu Hans Enoksenip namminiilernissaq pillugu paasisitsiniaasup isaanik ammaasunut ilaavoq.
Naalakkersuisut siulittaasuata nuannaarluni oqaluttuaraa, namminiilernikkut kalaallit immikkut inuiaanerat akuerineqassasoq.
Ilimanarmiulli arnartaasa nunaqarfimminni atukkatik oqaluuseriumaneruaat:
Meeqqat peroriartornerat nunaqarfiullu atuartuani ilinniarfissuarmi ilinniarsimasumik ataasiinnarmik atuartitsisunillu marlunnik ilinniartitsisulimmi qulingiluanillu atuartulimmik atuartitsineq.
Innuttaasunik ataatsimiisitsineq pillugu allaaserisap sinnera Sermitsiami atuaruk.