Namminersorlutik Oqartussat piumasaqaateqareernerisa kingorna, attartortitsisut kommunimut taamaatitsinissaminnik ilimasaaripput
Inissiat attartukkat atorneri akuerisanngortinniarlugu, Kommuneqarfik Sermersooq aaqqiissutissarsiorluni ulapippoq.
Ineqarneq pillugu suliaq Kommuneqarfik Sermersuumut suli kinguneqarpoq, anaananullu inuusuttunut navianartumi inissisimasunut kommunip
ineqartitsivianut illumut kinguneqarpoq.
Allagaatinik takunnissinnaatitaanerup takutippaa, kommunip adressini
marlunni attartuineranik taamaatitsinissaminnik attartortitsisut ilimasaarisimasut. Ingerlatseqatigiiffiup inissianik marlunnik sanaartornerminut atatillugu, pisortanit taarsigassarsiaminik tamakkerlugit akiliinissamik piumasaqartoqarsinnaaneranik Namminersorlutik Oqartussat attartortitsisunut ilimasaarummik allagaqarneranik, taamaatitsiniarnermik qisuariarneq aallaaveqarpoq.
Adressip aappaani pisortanit taarsigassarsiat tamakkerlugit akilerneqarnissaat Namminersorlutik Oqartussat ilimasaarutigaat, taarsigassarsititsineq akuerineqanngitsutut nalilerneqarmat, illu allaffittut anaanallu inuusuttut navianartumilu inissisimasut ikiornissaannut kommunip atormagu.
Oqaatsit suliamut tunngasut ima nipeqarput, kommunip attartornertik ingerlatsivimmut siunertanut atoraa, inissianik pilersuinermut atornagu - tamannalu malittarisanut akerliuvoq, taarsigassarsititsiniarnermullu piumasaqaatinut pisussaaffimmik sumiginnaanerulluni.
Anaanat inuusuttut navianartumi inissisimasut ineqartikkaat
Namminersorlutik Oqartussat ilimasaarutaat, attartortitsisunut Ejendomsselskabet Sermersooq ApS-imut, novembarip ulluisa arferngani nassiunneqarpoq.
Novembarip ulluisa 30-anni kommune Namminersorlutik Oqartussanut akissummik nassiussivoq, tassanilu takuneqarsinnaavoq Ejendomsselskabet Sermersooq ApS, kommunimik allaffissornikkut isumaqatigiissutiminnik 2023-mi decembarip aallaqqaataani taamaatitsinissaminik ilimasaarisimasoq, Namminersorlutik Oqartussat ingerlatseqatigiiffimmut nalunaaruteqareernerisa malitsigisaanik.
Adressip aappaa 17-inik inissialimmi taakkunannga aqqanillit anaananut inuusuttunut navianartumilu inissisimasunut nalinginnaasumik najugaqarfittut atorneqartut, kommune paasissutissiivoq:
- Taakku anaanat inuusuttut navianartumi inissisimasut inissiani sivisunerpaamik ukiut marluk najugaqartarput, meeraat angerlarsimaffiup avataanut inissinneqannginniassammata tassani angajoqqaatut piginnaanigissarneqartarlutik, kommune Namminersorlutik Oqartussanut nassuiaavoq.
Ilimasaarinermik allakkiamik atorunnaarsitsinissaq neriuutigigaa
Inissiat sinneruttut arfinillit assersuutigalugu misigissutinut tunngasunik suliaqarnermut, ataatsimiittarfittut, sammisassaqartitsivittut, ilaqutariinnut aqqutissiuinernut allaffittullu atorneqarput.
Inissiat taakku arfinillit akuerineqanngitsumik atorneqarneri pillugit kommuni aaqqiipallanniarluni allappoq, sammisassat illoqarfimmi sumiiffinnut allanut nuunneratigut.
Taassuma saniatigut kommuni eqqarsarpoq, anaanat inuusuttut navianartumilu inissisimasut, aammalu taakkununnga attuumassutillit pisariaqartut sammisassat allaffimmilu atortut, Kongevejimi sanaartukkanut nutaanut nuunniarlugit, iserternissaq siulleq 2025-p aallartinneraniunissaa naatsorsuutaalluni.
Namminersorlutik Oqartussat ilimasaarummik Ejendomsselskabet Sermersooq ApS-imut allagaqaatiminnik atorunnaarsitsinissaannut pilersaarutit naammattut kommuni neriuppoq, allaffissornikkut attartornerit ingerlaannarniassammata.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...