Namminersorneq tapersersorlugu ingerlaaqatigiinneq
Namminersornermut suliniaqatigiiffik Nammineerta innuttaasut taasitinneqarnissaat ullormik ataatsimik sioqqullugu Nuummi ikumatitalisaarluni ingerlaaqatigiititsiniarpoq.
Annonse
Ingerlaaqatigiinneq novembarip 24-iani nalunaaqutaq 19.00 aallartissaaq. Peqataasussat kulturikkut illorsuup Katuap eqqaani nalunaaqutaq 18.30 katersuutissasut aaqqissuussisut nalunaarput.
Ingerlaaqatigiinnissaq arfininngornermi novembarip 15-ini pisussatut aaqqissuunneqaqqaasimagaluarpoq, kisianni peqataasussat ikippallaarmata kinguartinneqarsimalluni.