Nannap 1986-imi kalaallisut torrallataa suli atorneqartarpoq

– Erinaq sanaara Kalaallit Nunaanni radiokut suli atorneqartarpoq. Tupinnaqaaq. Erinaq kalaallit 1980-imi nuummut saqqummersitaannut sananeqarsimavoq. Taamatut oqaluttuarpoq Nanna Fischer, Københavnimi ´Kalaallit Nunaat Tivolimi´-mut atatillugu Nutaarsiassaqartitsiviup Sermitsiaq.AG-p nittarsaavianut saaffiginnikkami.
Oqaluttuaq naatsumik oqaluttuaralugu imaappoq, Nanna Fischer 1980-ikkunni ukiuni marlussunni Nuummiissimavoq nipilersoqatigiinnilu ´Aalut´, 1986-imi nuummik ´Aalut 4´ saqqummersitsisumi peqataasimalluni. Tamatumanilu erinaq ´Aliannaaq´ snavaa. Erinaq kalaallisut allassimavara, Nanna Fischer tulluusimaarluni oqaluttuarpoq.
Kalaallit reggae-mik erinarsuutaat
– Qanoq isillutit kalaallisut erinarsuusiorsinnaasimavit?
– Kalaallit Nunaannukartinnanga aftenskolimi kalaallisut ilinniarsimagama. Taavalu Aalut-kunni kalaallisut oqaluttuni nipilersoqataavunga. Kalaallisut oqaloqatiginnilluarsinnaanngilanga, naammattumilli piginnaasaqarpunga taalliorsinnaallunga, taavalu kammalaatimma oqaasertalersorpaat, Nanna Fischer nassuiaavoq.
– Reggae-mik erinarsuusiaavoq suli atorneqartartoq, Koda-millu suli aningaasanik pisarama nalunngilara suli radiokut atorneqartartoq, taanna illarluni oqarpoq.
Nanna Fischer, maanna 62-inik ukiulik, 1980-ikkut qiteqqunnerannili Nunatsinniikkami Nunatsinneeqqissimanngilaq, taamanikkut Aalut-kunni nipilersoqataasarnermi saniatigut ilinniartitsisuulluni.
´Kalaallit Nunaat Tivolimi 2013´-imit allaaserisat assillu tamaasa takukkit
Aamma eqqaamakkit videokut inuulluaqqussutit videomillu immiussaaqqat allat nittartakkap qulerpiaani - ataavartumik nutarterisassaagut