?Nannut pillugut Norgemiataatsimiineq pingaarutilik
?Nunat nanoqarfiusut Tromsømi naapeqatigiissapput ukiuni 28-ini pisortatigoortumik atatsimiinnissamut siullermut.
?Naalagaaffiit nanoqarfiit 1981-imi Oslomi naapeqatigiimmatali, ukiuni ingerlareersimasuni 28-ini nannut annertuumik allannguuteqarsimapput.
Minnerunngitsumik pissutigalugu imaani sikup aakkiartornera issittumilu sinerissani sumiiffippassuarni annikilliartornera. Naluneqanngitsutut nannut nerisassami pingaarnerpaat ilaannik, puisinik piniarnissaminnut siku isumalluutigaat.
Tamatuma kingunerisinnaavaa nannut atugarliulerujussuarnerat, ukiuni kingullerni silap pissusiata allanngoriartorneranut takussutissaalersimasut. Avatangiinik illersuiniaqatigiiffiinnaanngitsunut, aammattaarli assersuutigalugu qallunaat naalakkersuisuisa paasisitsiniaanerannut »1 tonimik annikinnerusumik«, silap pissusianut sorsuutiginninnermi inunnik peqataalersitsisussamut.
Naalagaaffinni nanoqarfinni (Norgemi, Danmarkimi/Kalaallit Nunaanni, Canadami, USA-mi Ruslandimilu) atorfillit 2007-imi USA-mi ataatsimiinnerminni aalajangerput, akulikinnerusumik ataatsimiittarnissaq pisariaqartoq.
?Ataatsimiinnissaq pingaaruteqartussaavoq, aallartitassat pisortaat Amalie Jessen, Piniarnermut, Aalisarnermut Nunalerinermullu Naalakkersuisoqarfimmi pisortaq naliliivoq.
– Isumaqarpunga ataatsimiinneq pingaaruteqartorujussuussasoq. Peqataassaagut, oqallinneq niaqquvut qulaallugit peqqunagu. Ataatsimiinnermi erseqqissaatigissavarput ataatsimut nanuuteqartugut tamakkualu atorneqarnerat nunanit ingerlanneqassasoq, aataatsimoorluni aalajangiisarfissuarniunngitsoq, Amalie Jessen oqarpoq.
?Amalie Jessenip tikuarpaa nannunniarneq nunani tamalaani tatineqaleraluttuinnartoq. Ilaatigut USA-p nannut, silap pissusiata allanngoriartornera pissutigalugu uumasut ulorianartorsiortinneqartut allattorsimaffiannut ilanngussimavai.
Sermitsiaq/9 atuaruk.