avinneq
Nanoq kiserliortoq Københavnimit Jyllandimut nuunneqartoq
Nanoq Ivan Københavnip uumasuusiviani iluarusussimanngilaq. Maanna Skandinavisk Dyreparkimut nuunneqarpoq. TV2 Østjylland taamma oqaluttuarpoq.
Nannut Københavnip uumasuusivianiitut iliuutsitsik uteqattaaginnavittarpaat, naluttarfimminni uteqattaarlutik naluttarput.
Taakku marluusinnaannginnerat pissutaavoq, angutiviaq Ivan aappaminit Noelimit piumaneqanngilaq.
Kisianni maanna Ivanimut neriunnartoqalerpoq. Tassami qaammatip uuma ingerlanerani Skandinavisk Dyreparkimut Djurslandimiittumut nuussaaq. TV2oj.dk taama oqaluttuarpoq.
- Ivanip maanga nuutsinneqarnissaanik oqalunneq sivisuumik pisimavoq, kisianni maanna januaarimi nuunnissaa qularnarunnaarpoq, Skandinavisk Dyreparkimi pisortaq, Frank Vigh-Larsen, tv2oj.dk-mut oqarpoq.
Pisortap nannumik nuunnissamut pisariaqartitsisumik nutaamik nanuuteqalernissani nuannaarutigaa.
- Københavnimi iluarusunngilaq, siornatigullu pulaartareernikuuaatigut, tamaanilu iluarusuppoq. Qularinngilaralu tamanna pitsaasuussasoq, Frank Vigh-Larsen, tv2oj.dk-mut oqarpoq.
Nanoq angutiviaq uumasuusiviup nanuutaanut annavissamut sisamanik ukiulimmut nuliarsartinneqarnissaa pilersaarutaavoq, taanna 2017-ip ingerlanerani kinguaassiorsinnaalissaaq.