Nanu Børninut 130.000 kr.
Brande Soroptimistklub katersuisitsinermik aaqqissuivoqt atisanik takutitsilluni tusarnaartitsillunilu takuniaasunut 400-nut
Sisamanngornermi novembarip 17-ani Brandmi kultureqarnikkut ataatsimeersuarnernullu ingerlatsivimmi Remisenimi Brande Soroptimistklub katersuiniarnermik aaqqissuussivoq. takuniaasut 400 tungaanoorput, ilaatigut atisanik takutitsisoqalruni Julie berthelsen, Bryan Rice aamma Søs fenger tusarnaartitsillutiki. Taamatut aaqqissuussinikkut qaammaterpassuarni suliarujussuaq kusanartumik naggaserneqarpoq. Suliaq naggaserlugu aaqqissuisut 130.000 koruunit Julie Berthelsenimit nuannaarlunilu tupaallassimasumut Nanu Børninit aallartitamut tunniunneqarput.
- Naatsorsuutigisimanngikkaluarpara Jyllandip qeqqani illoqarfinnguami sisamanngornermi nalinginnaasumik taama tupinnartigisumik aaqqissuussisoqarsinnaanera, Nanu Børnit Danmarkimi immikkoortuani nammineq piumassutsiminik sulisoq Tina Lauritsen Jagd oqaluttuarpoq
- Killitseqaanga suleqataasut tamarmik taama tunniusimatigimmata akeqanngitsumillu sulillutik. Atisanik takutitsisut eqqumiitsuliortullu saniatigut Soroptimisternemi inuppassuit kiisalu saqisut, atisanik toqqorsivimmiittut, igaffimmi sulisut eqqiaasullu ilami tamarmik. Misigisaq tapersersorneqarnerlu nuannerluinnarpoq, taamaalilluta Nanu Børnimiuusugut tamatta nuannaarlutalu tulluussimaarluta, Tina Lauritsen oqarpoq.
Assi:
Randersimi Soroptimistermi kusanaqisumik tusarnaartitsereernerup kingorna Nanu Børninit Krissie Berthelsen checkimik tunineqarpoq. Aajuna saamimmiit normu 2 Søs Fenger, Julie Berthelsen aamma Bryan Rice peqatigalugit. Assi: Tina Lauritsen Jagd.