Napparsimasut pujortarunnaarnissamik pikkorissarnissaat
Peqqissutsimut naalakkersuisup Agathe Fontainip Justus Hansenip (D) § 36-imut tungnatillugu napparsimasut suliaritinnissaminnut utaqqisut tamarmik pugortarunnaarnissaannut tunngatillugu apeqqutaa tapersersorpaa.
- Kikkut tamarmik suliaritinnissaminnut utaqqisut pujortarunnaarnissaminnut neqeroorfigineqartanissaannik siunenrsuut Naalakkersuisut tapersersorpaat, tamannalu susassaqarfimmi tassani suliniutinut kisaatinullu naapertuuppoq, peqqissutsimut naalakkersuisoq Agathe Fontain Justus Hansenip § 36 naapertorlugu apeqqutaanut akissummini allappoq, taassumami ujartorpaa napparsimasut utaqqisut pujortarunnaarnissamik neqeroorfigineqartarnissaannut naalakkersuisut qanoq isumaqarnersut.
Agathe Fontainip tassunga atatilugu Pessinnissamut Pinaveersaartitsinermulu aqutsisoqarfik kajumissaarpaa tunaartaqarluartumik suliniutigeqqullugu suliaritittussanut tamanut tamanna ileqquusimanngippat ileqquliunneqaqqullugu.
- Erseqqissassalluguli pingaartuuvoq, tamannan napparsimasunut neqeroorutaasoq, taamaallaallu pilersaarutaasumik suliaritinnissaminnut utaqqisunut tunngalluni. Kissaataavoq napparsimasut peqqinnissamik suliniutiginissaannut qinigassaqarnissaat, Agathe Fontain allappoq.
Justus Hansenimit apeqqut tunngavilerneqarpoq, ilisimatusarnikkut inernerisartut takutimmassuk napparsimasunut inuiaqatigiillu aningaasaqarnerannut suliaritinnginnermi pujortarunnaarnissamik neqerooruteqartarneq iluaqutissartaqarluartoq, taamaaliornikkummi suliaritinnermi ajutoornissaraluaq annikillisarmat.
Agathe Fontainip akissummini aamma allappaa, apeqqut maannakkut eqqartussallugu tulluartoq, peqqutigalugu:
? Sumiiffiit pujortarfiunngitsut qulakkeernissaannut inatsisitigut suliaqartoqarmat.
? Peqqinnissaqarminni aningaasaqarnermut tunngatilugu sulissutigineqartuarmat, aningaasat nukissallu pitsaanerpaamik atorneqarnissaat.
? Pinaveersaartitsinerup iluani pujortartartut ikilisarnissaat annertuumik sulissutigineqarmat.
? 2007.miit– 2012-imut Inuunerittami suliniutit ilagaat: 'peqqinnissaqarfimmi pujortartartut sammineqarnerata annertusinissaa'.