meeqqat atuarfiat
Narsami atualertut aatsaat taama ikitsigisut
Atuarfik suliarineqaraluartoq inissaaleqisoqaraluartorlu atualertitsineq nuannersumik ingerlanneqarpoq
Narsap Atuarfiani ataasinngornermi nalunaaqutaq 09.00 ukioq atuarfiusoq aallartippoq.
Inissaaleqisoqarnera pissutaalluni 2. klassimit qummut atualertut kommunep naatitsiviani atuarnerat aallartinneqarpoq.
Atuartut assigiinngitsuni inissinneqarput illoqarfimmi.
Nalunaaqutaq 11.00 atualertitsisoqarpoq.
Atuarfiup isaterneqarnera pissutaalluni ileqquusumit allaanerusumi atualertitsisoqarpoq.
Atualertussat 18-iusussaagaluarput, taakkunanili 16-iinaat takkupput. Ukioq kingulleq atualertut 27-upput.
Atuarfiup pisortaata tullia Anders Bie-Olsen oqarpoq ilinniartitsisut arlaqartut atuarfimmi suliunnaarsimasut, ilinniartitsisunilli tallimanik sulilersoqartoq oqaatigalugu.
Ilinniartitsisussaaleqinera pissutaalluni ilinniarsimanngitsunik ilinniartitsisoqartoqassaq.