aatsitassat
Narsami qinersinermi angusat Kuannersuarni suliniummut iluaqutaasut
Narsami kommunimut qinersineq Kuannersuarni aatsitassarsiornissamik suliniummik tapersersuisut amerlissutigaat, IA-mi siuli aasuusimasoq, Josef Motzfeldt, oqarpoq. Aamma taamatut Simon Simonsen, Siumut, oqarpoq. Sinnerlugu nassuiaaneq, avatangiisinut pinngortitamullu illersuiniaqatigiit siuli aasuat isumaqarpoq
Naak kommunimut qinersinissap tungaanut Kuannersuarni suliniut sammineqarsimanngikkaluartoq, Siumut Narsami IA-mit taaguunneqarnerusimavoq, tamatumalu Narsami suliniummut tapersersuisoqarnera ilimanarsisippaa.
Taama oqarpoq politikeriusimasoq Josef Motzfeldt Sermitsiaq aviisimut.
Ataruk:
Siornatigut Kuannersuarni uranimik piiaanissaq pillugu apeqqut innuttaasunik marluinnut avissaartuutitsivoq.
– Kuannersuarni suliniut pillugu isumaqataavunga, tamanna avatangiisinut inunnullu navianaataassanngippat, borgmesterinngortussaq, Kiista P. Isaksen, oqarpoq.
Taassuma Narsami qinersinerup uranimik piiaanissamik isuma sunnersimaneraa maannakkut akiumanngilaa, tassami Siumut tapersersuivoq IA-li akerliulluni.
Atuaruk:
– Qanittumi Narsamiissimanngilanga, taamaattumillu oqaatigisinnaanagu. Piaarnerpaamilli Narsaliarnissara pilersaarutigaara, taamaalillunga innuttaasut oqaloqatigereerukkit pitsaanerusumik oqaaseqarsinnaassaanga, borgmesterinngortussaq siornatigut Narsami borgmesteriusimasoq oqarpoq. Taanna kommunit kattussuunneqannginnerini Narsami borgmesteriusimavoq.
Avatangiisit pinngortarlu pillugit suliniaqatigiifimmi Avatami siulittaasup Mikkel Myrupip Narsami Kuannersuarni aatsitassarsiorfimmit piiaanissamut isuma qinersinermi angusani takuneqarsinnaanera isumaqatigiinngilaa.
Allaaserisaq Sermitsiaq aviisimi kingullermi saqqummertumi tamakkerlugu atuarsinnaavat. Aviisi uani pisiariuk: