Narsami sakialluttoqarsoralugu misissuisoqalerpoq
Narsami inuit sakialluummik nappateqarsoralugit sapaatip-akunnerani tullermi misissuisoqassaaq. Innuttaasut 15-it sinnerlugit ukiullit tamarmik sakialluummik nappaateqarsoralutik qinnguartikkiartornissaminnut kajungissaarneqarput.
Narsami innuttaasut 15-it sinnerlugit ukiullit tamarmik Narsami napparsimmavimmukarlutik qinnguartikkiartornissaminnut peqqinnissaqarfinnik nakkutilliisoqarfimmit kajungissaarneqarput.
- Nappatip ilisarnaataanik ersittoqanngikkaluartoq tamanit misissuinissaq pingaaruteqarpoq, Flemming Kleist Stenz tusagassutinut nalunaarummi taama allappoq.
Nunatsinni sakialluummik nappaatillit agguaqatigiisillugu 78-it ukiuni tallimani kingullerni naammattoorneqarput taamaalilluni nunarput nunat ineriartortitassatut inissinneqarpoq.
Narsami innuttaasut sakialluummik nappaateqarsoralugit 3. novemberimiit 14. novemberip tungaanut misissuisoqassaaq.
Naartusut meeqqallu 15-it inorlugit ukiullit kinnguartartittussaanngillat. Puatit ukiut marluk kingulliit iluani qinnguartartissimappata sakialluummillu nappaateqarpasinngikkuit misissortittariaqanngilatit.
- Meeqqat atuaqatigiikkuutaat aalajangersimasut aaversillutik misissortissapput atuarfillu aqqutigalugu aggersarneqassallutik. Meeqqat minnerit pisariaqartitsineq naapertorlugu misissorneqassapput, nunatsinni nakorsaaneq Flemming Kleist Stenz allappoq.