tikeraartoq
Narsarsuaq qaqutigoortumik tikeraartoqartoq
Amerikamiut sorsunnersuup aappaani timmisartup sorsuutip aqqutigisarsimasani ingerlaarfigaa
Annonse
P-51B Mustang 1944-meersoq ''Berlin Express''-imik taaguuteqartoq arfininngornermi ualikkut Narsarsuarmut mippoq.
Timmisartut Mustangit hunnorujulikkaat sorsunnersuup aappaani USA-mit Europami sorsuffiusunut aarlartinneqartartut aqqutaat, Atlantikup Avannaatigoortoq, tassa USA-mit Goose Bayikkut, Canada, Narsarsuaq, Keflavik, Wick, Scotland aamma Duxford aqqusaarlugit ingerlaarpoq.
Timmisartoq juulip qiteqqunnerani Tuluit Nunaanni Duxfordimi timmisartunik takutitsinermut ilaassaaq.
Berlin Express ilumoortoq tyskit timmisartuannut Messerschmittimut silaannarmi sorsulluni Parisimi Eiffeltårn ataaqqullugu timminermigut tusaamaneqarpoq. Tyskit timmisartuat aallaaneqarpoq, Berlin Expressilu aniguilluni.