Narsarsuaq ukiuni qulini "eqqissisimatitanngorpoq"

Kalaallit Nunaata Kujataani angallanneq pillugu isumasioqatigiinnermi isumaqatigiissutigineqarpoq, Narsarsuarmi mittarfik ukiuni qulini tulliuttuni "eqqissisimatitaassasoq", Qanorooq allappoq.

Published

Kalaallit Nunaata Kujataani atlantikoq ikaarlugu timmisartunut mittarfik Narsarsuaq ukiuni tulliuttuni qulini assortuussutaassanngilaq. Tamanna angallanneq pillugu isumasioqatigiinnermi Kalaallit Nunaata kujataani siunissami angallannerup oqallisigineqarnerani aalajangiunneqarpoq.

Taamaattoq angallanneq pillugu isumasioqatigiinneq Narsarsuarmi innuttaasunut assut neriuuteqalersitsivoq.

– Isumaqatigiinneq tamanna uagutsinnut maani najugaqartunut assut nuannerpoq, pingaartumik kalaallit nunaata kujataani inuussutissarsiortunut, pingaartumillu takornarianik angallassisartut nutaarrsiassaq nutaaq taanna iluarusuutigissaqaat, taamak Narsarsuarmi mittarfimmi pisortaq Storch Lund Qanorooq-mut oqarpoq.

Angallanneq pillugu isumasioqatigiinnermi attaveqaatinut naalakkersuisoq Kim Kielsen peqataasunut ilaavoq.

Powered by Labrador CMS