Nasa-p robot-ia sermersuarmi
Maajip 3-anni Nasa-p robotti Grover sermersuarmut inississavaa, taassumalu Sermersuaq scannertassavaa paasissutissallu Summit Campimi ilisimatuunut ingerlateqqittassallugit
Grover 190 centimeterinik portussuseqarpoq, 350 kiilut missaannik oqimaassuseqarluni, seqernullu kissarneranik tigooqqaateqarluni ulloq unnuarlu Sermersuarmi angalasassaaq. Maajip 3-anniit aallartissaaq juunillu 8-anni Sermersuarmi Summit Campimi garage-mut inissinneqassaaq.
Akunnermut kilometerinik marluinnarnik sukkassuseqarpoq, taamatut allappoq Jyllands-Posten.
Nasa naapertorlugu robotti paasissutissanik annertunerusunik katersisinnaavoq, inuup piffissami taama sivisussusilimmi snescooterimit katersorsinnaasaanit. Sermersuup allanngornerujussuanik ilisimatuunik paasititseqataassaaq.
Radari atorlugu sermeq scannertassavaa, uuttortakkanilu Summit Campimni ilisimatuunut ingerlateqqittassallugit.
Robotti Nasap quppernerani nittartagaani takusinnaavat uani