Nassaaq ukiunik 400-nik pisoqaassusilik peqqarniitsumik oqaluttuassartalik
Kalaallinik Danmarkimut aallarussisarneq Københavnimi Kongens Nytorvimi nassaamut uissuumminartumut nassuiaatissaasinnaavoq
Kalaallit timmissanik pisarniutaat ukiunik 400-nik pisoqaassusilik nunap iluatigut qimutsuittut aqqutissaasa assannerani nassaarineqarpoq.
Kongens Nytorvimi nassaarineqarpoq, taamanikkullu Københavnip pallittaalisaata tasiliartarsisimasaani inissisimaffianiilluni.
Taama allappoq qanganisarsiornermik atuagassiaq Skalk.
Danmarkimilu kalaallit timmissanik pisarniutaanik nuffinnik ukiunik 400-nik pisoqaassusilinnik nassaarneq namminermini uissuumminareeraluartoq nassuiaataasinnaasoq suli uissuumminarneraaq.
Skalk naapertorlugu Københavnip katersugaasiviani qanganisarsiooq Jens Winther Johannsen isumaqarpoq nassaaq peqquteqartoq Kunngi Christiaat sisamaat Kalaallit Nunaannut ilisimasassarsiortunik aallartitsimmat, taakkulu kalaallilunik Danmarkimi takutitassanik aallarussisunik.
Ilisimasassarsiornerni taakkunani katillugit kalaallit 19-it aallarunneqarput, Københavnimilu allaqisunik atugaqarlutik amerlanerit toqutinnatik ilaat Københavnip umiarsualiviani piniariaatsinik takutitsisarsimapput.
Ilaatigut qajartorlutik nuffiit atornissaannik nassaarineqartut ilaannik takutitsillutik.