New Zealand Tsunamimit eqqungaavoq

Nunap sajorujussuareerneranit New Zealandip avannaatungaani tsunami sakkotunngitsoq takkussimasoq innuttasunik illersuisunit nalunaarutigineqarpoq.

- Malik siulleq portunerpaajugunanngilaq. Mallerneralu akunnerni arlalinniusinnaalluni. Piaartumik nunamukaritsi portusuumukarlusiluunniit, innuttaasunut illersuisut nalunaaruteqarput.

Malissuit meterimik portussusilit

North Centerburymi malissuit meterisut portutigisut uuttortaasartumit Anna Kaiserimit nutaarsiassaqartitsivimmut Reutersimut oqaatigineqarpoq.

Nunallu sajunnera 7,8-mik sakkortutigisoq New Zealandimilu tamarmi malugineqarsinnaasimasoq amerikarmiut tyskellu nunalerisuinit uuttortarneqarsimalluni.

Qimaagitsi

- Innuttaasut tunumiittut nunap ilaanut portunerusumukassapput. New Zealandillu sinnerani sissamukartoqannginnissaa imarlu qanillattorneqannginnissaa piumasaraarput, Innuttaasunik illersuisut Twitterimi allapput.

Ajoqusersimasunik nalunaarutiginnittoqanngilaq, Nunanut allanut ministereqarfik Twitterimi allappoq.

Danskit New Zealandimiittut qanigisatik attavigissagaat oqartussanit kaammattuutigineqarpoq.

/ritzau/