NGO-t arfattassiissutit unitsinniarsaraat
Uumasunik illersuiniaqatigiiffiit arlallit Kalaallit Nunaata 10-nik qipoqqartassinneqarnissamik kissaataanut EU akerliulluni taaseqqullugu sunnerniarsaraat.
EU ukioq manna siullerpaamik Arfanniarnermut ataatsimiitsitaliarsuarmi IWC-mi taasinermi ataatsimoortumik taasisussaavoq, taamalu suliniaqatigiiffiit EU kajumissaarpaat Kalaallit Nunaata 10-inik qipoqqartassinneqarnissamik kissaataanut akerliullutik taasissasut.
suliniaqatigiiffiit EU-mi ministerinut ataasiakkaanut tamanut allakkaminni allapput, Kalaallit Nunaata qipoqqarnik 10-inik pisassinneqarnissamik kissaataanut EU tapersersuilluni taasissagaluarpat tamanna europamiunut pakatsinartuussasoq, taamaalioruni "eurpamiut arfiutaannik 10-inik pisariaqanngitsumik toqutsinissaq" akuerissammagu. Saniatigut aamma Kalaallit Nunaata Arnanniarnermut ataatsimiitsitaliarsuup nunap inoqqaavisa arfanniartarnerannut aalajangersakkat iluanni amerlanerusunik arfattassinneqartalernissaanut ikaarsaarfiulersinnaavoq.
Allakkat uumasunik illersuiniaqatigiiffinnit soorlu WWF-imit, Whale and Dolphin ConservationSociety, (Arferit Aarluarsuillu illersorneqarnissaannik suliniaqatigiiffik) aamma PEW Environment Group-imit allagaapput. Taakkua apeqquserpaat, Kalaallit Nunaata arfanniartarnera nunap inoqqaavisa arfattassinneqartarnerannut (Aboriginal Subsistence Whaling, ASW) piumasaqaatit eqqortinnerai.
– Kalaallit Nunaanni piniartut pisamik annerpaartaa piginneqatigiiffimmut iluanaarniartumut (Arctic Green Food, aaqq.) tunisarpaat, taamalu kikkulluunniit, aamma takornariat, neisisinnaapput, NGO-kkut (suliniaqatigiiffiit) allapput.
NGO-kut EU-mut allagaat talerpiatungaaniit download-eruk (tuluttut).