Niisat ilisimatusartunik tupaallatsitsipput
Perngaamik Pinngortitaleriffimmit niisat marluk uumatillugit pisarivaat. Taakkua qaammataasakkoortumik aallakaatitsissutilernerisigut ilisimasat nutaat pissarsiarineqassapput
Pinngortitaleriffiup niisat uumasut marluk satellitsikkoortumik nassitsissutilerpaat - aatsaat perngaamik Kalaallit Nunaanni immaqalu nunarsuarmi aatsaat taamaaliortoqarsinnaasoq ilisimatuut unnersiutigaat.
Niisat eqalunnut qassutinut pitarsimasut Maniitsumi piniartunit ukioq manna siusinnerusukkut pisarineqarput, tamatuma kingorna ilisimatuut niisanik malinnaasinnaasimapput, nunarsuarmi arferit minnersaat satillitsikkoortunik nassitsissutit ikiorsiullugit aqqutaat malinnaaffigineqarput.
Taamaaliornikkut niisat pillugut annermik paasisaqarsinnaavugut maannamullu paasisat Pinngortitaleriffimmit iluatsilluartutut nalilerneqarput.
Paasisanit uissuummissutaanerpaajuvoq niisat immami itisuumiikkusuttarnerat, ilisimatusartunit iperagaamilli 3.000 meterisut itissisulimmiissimapput.