assigiimmik pineqarneq
Nini: Nikanartunngortitaasarneq qatsuppara
Bloggerip Nini Almgren-Jensenip kalaallit Danmarkimiittut ikinnnerussuteqartunut ilaanissaannut siunnersuutit qatsuppai
- Nikanartutut pissusilersorluta ataqqinninnermik tunineqarnavianngilagut. Aammalu danskit periarfissaasa assinginik pineqannginnissarput kissaatigalugu nikagineqannginneq utertissinnaanngilarput.
Ilisimatuut qatsukkai
Kalaaleq bloggereq, Nini Almgren-Jensen, ilisimatuut kalaallit Danmarkimiittut peqataalersitsinissamut siunnersuisoqatigiinni ilaanerulernissaat aamma ikinnerussutilittut inissisimalernissamik piumaseqartariaqarnerannik siunnersuutaannik qatsussisoq taama oqariartuuteqarpoq.
Taamatut isiginninneq Danmarkimi inuit pisinnaatitaaffii pillugit ilisimatusarfimmi kalaallit Danmarkimiittut atugaat pillugit nalunaarusiaani kingullermi erserput.
Ajunngitsumik tapiisoq
- Kalaaliuvunga. Danmarkimi najugaqarpunga. Inuiaqatigiinnut ajunngitsumik tapiivunga. Qatsuteqaaralu, atuaruk: Inuit pisinnaatitaaffii Danmarkimi, Naalagaaffeqatigiinnermut Peqatigiiffik allallu sinnerlunga oqaaseqartarnerat, Nini Almgren-Jensen allappoq, taamatullu isummersornini ima tunngavilerlugu:
Assigiinneq
- Assigiippugut aamma inatsisit assigiimmik tamanut atuupput. Maannakkorpiaq danskit assigalugit pisinnaatitaaffeqarpunga. Kommuunimut qinigassanngortissinnaavunga, aammalu piumaguma Folketingimut. Maannakkullu immikkut inuiaassusera, suiaassusera imaluunniit kinguaassiiutit qanoq atornerikka pillugit qinerneqassanngilanga. Maanna kinaassusera atorlugu qinerneqarsinnaavunga. Kimulluunniit qinnuiginngilara kulturikkut tunuliaqutara, kinguaassiiutit qanoq atornerikka imaluunniit suiaassusera pillugu isummersoqqusinngilanga, bloggeri allappoq.
Atuaruk: Ilisimatuut: Kalaallit nunasisutut pisinnaatitaaffeqalerlik
Taassuma erseqqissarpaa eqimattat arlaat immikkoortinneqarpat naalagaaffiup pisussaaffigereeraa pissutsit misissussallugit iluarsiivigissallugillu.
Atuaruk: Folketingimut ilaasortat pitsaanerusumik akulerutsitsineq ujartorpaat