Nissiaqqamik ujaasineq
Suut tamarmik affaanik akilerlugit. Imaluunniit affangajaanik. Nuummi Inussivimmi juullilernerani sapaatip akunnerata uuma naanerani niuffatitsisoqarpoq.
Nerriviit nioqqutissanik ilioraaffigineqartut tulleriiaat eqqannguini saniporsorluni siumukanneq orlerfigalugit misissuisoqarpoq. Inussivimmi sapaatip akunnerata uuma naanerani niuffattut taama pisuttut takuneqarsinnaapput.
Nerriviit nioqqutissanik akikillilerlugit akilersukkanik ilioraaffigineqarsimapput; oqarasuaatit akikillillugit tuniniarneqarput, sianertaataalli nipikillineqanngillat, assassugarpassuit; sapagaaqqat ujaqqallu silineqarsimasorpassuit takussaapput. Imerusuttut aamma kaffillerfigineqarput, juullilernerani akikillillugu tuniniarneqartumik.
Tuniniaasut ilaat, Mitti Kleist ujaqqanik siliisarpoq nassunnik, kigutinik umimmaallu nassuisa saarnginik qiperuisarluni. Matuersaaserfiit kusanarnerpaat saqqummersissimavai, ilami allaat umimmaap nassuisa saarngi nillataartitsiviup matuani kajungerisartulerlugit qiperukkani tuniniarpai.
Inussivimmi nissimaaq soorunami aamma naammattoorneqarsinnaavoq. Tuniniaasut arlallit niisimaajutitik immikkut illuinnartut tuniniarpaat, ilaat puisip amianik imaluunniit sapakkanik assassugaasut. Nissimaat nerrivinni tuniniarneqartut nissimaajuinngikkaluarlutik ilisarnartorujussuupput.
– Meeraallunga nissimaap tumai apummi takuakka, nissimaanik tuniniaasut ilaat Bolettaaraq Jensen taama oqarpoq.
– Uangali isumaqarpunga erinarsortitsisutta Julius Olsen-ip inussaminik apummut tumiliorsimasoq, tamannali suli qulakkiinngilara, Bolettaraq Jensen jullilernerani tuniniaasorpassuit ilaat taama oqarpoq.