Nive iluatsitsinerlukkaluarluni angalanini nangippaa
Erinarsortartut nipilersortartorlu Nive Nielsen Canadami USA'milu nipilersoriaqattaarluni angalasup singernini marloriarlugu napivaa
Annonse
Nive Nielsen iluatsitsinerluppoq singernini marloriarlugu napigamiuk.
Vancouverimi singernerminik napisivoq aappani nipilersornermillu aaqqissuisuni Jan de Vroede ilagalugu qanittumi Canadami Whitehorsemi aliikkusersuinermut atatillugu angalanerminni.
- Nivep singernerminik napisinera pissutigalugu angalanerput kinguaattoorpoq, pisussinnaanngivippoq, taamaakkaluartoq siullermik Denverimut timmisartorpugut maannakkullu Texasimi Austinimut, tamaani ullut tallimat ingerlaneranni aqqaneq-marloriarluta tusarnaartitsisussaavugut, Jan de Vroede oqaluttuarpoq.
Nive Nielsen & The Deer MTV'mit nunanit tamalaanit aliikkusersuisartut Texas'imi SXSW-festivalimi isiginnaariaqqullugu innersuutigineqarpoq.