’Nivi’-mik filmiliorniap filmiliassani illersorpaa
Nunatsinni filmiliarineqartussaq 'Nivi' suliluunniit immiunneqanngitsoq isornartorsiulereerpaat
Filmiliarineqartussamik 'Nivi'-mik immiussinerit aallartinngitsulluunniit nittartakkatsinni Sermitsiaq.AG-mi filmi tupaallaataasumik isornartorsiorneqalereerpoq.
Filmi, filmimik pilersitsiniartoq Kristian Nygård naapertorlugu, filmi Kalaallit Nunaanni ullutsinni pisunik sakkortuumik peqqarniitsumillu asanninneq, pinerluttutut inuuneq pineqassaaq, naak siornatigut ilungersunartunik atugaqarsimaneq sorsuutigigaluarlugu ilaatigut Kalaallit Nunaanni suiaassuseqatiminnik atoqateqartartut tamagiinnillu atoqateqartartut illersuisuannit Nuka Bisgaardimit isornartorsiorneqarpoq.
Allerede inden optagelserne til spillefilmen ’Nivi’ er gået i gang, har der her på Sermitsiaq.AG været opsigtsvækkende kritik af filmen.
- Filmi pillugu atuarama eqqarsaatiginngitsoorsinnaanngilara LGBT (suiaassuseqatiminnik atoqateqartartut aamma arnaasat angutaasallu aaqq.) ikiaroornartumut attuumassuteqartinneqarnissaasa sunniutissaat. Tamatuma saniatigut paasisinnaanngilara sooq taassuma (Kristian Nygårdip aaqq.) filmi Kalaallit Nunaanni maannakkut atuuttunik taallugu saqqummiunniarneraa. Imminnut ataqatigiinnerat ataatsimilluunniit takusinnaanngilara, Nuka Bisgaard oqarpoq, taanna Nuummi Gaypride-nik aaqqissuussisarsutut ilisimaneqarpoq.
Filmiliorniaq filmiliassani illersorpaa
Kristian Nygård soorunami filmiliassani illersorpaa. Taanna isumaqarpoq isornartorsiuineq - soorlu Nuka Bisgaardimit - paatsoornernit aallaaveqartoq.
- Ataatsimilluunniit filmimi suiaaqatiminnik atoqateqartartut immikkoortinniarneqanngillat. Filmimi nivissat marluk akornanni asaqatigiinneq saqqummersinniarneqarpoq, ataqqinninneq aallaavigalugu, Kristian Nygård oqarpoq.
Taassuma paasinnittaasia aallaavigalugu filmimi inuit inuttulli allatulli saqqummersinneqassapput. Pinnerpata pinniitsuuppata inatsisit malillugit innuttaaqataappata pinerluttuuppataluunniit.
- Filmilioraangatta piviusuunngitsoq pineqartuaannarpoq. Tamanna puigorneqassanngilaq. Piviusumik pisimanngilaq naak filmimi eqqartorneqartoq aamma inuit eqqartukkat piviusunit isumassarsiaagaluartut, Kristina Nygård Sermitsiaq.AG-mut oqarpoq.
Tamatuma saniatigut erseqqissaatigaa isertuunneqassanngimmat annerusumik minnerusumilluunniit hashi Nuummi tuniniagaammat. Taamaattumik 'Nivi'-p imaraa arnaqatiminoortartoq ikiaroornartumik tuniniaasartoq.
Pilersaarutit naapertorlugit ingerlatsisoqassappat Kristian Nygård neriuppoq filmimik immiussineq upernaamut aallartissasoq.