Normunik paasiniaavik attaveqanngilaq
Teknikkikkut ajoquteqartoqarnera pissutigalugu, Qasiagiannguani Ikamiunilu IP atorlugu kiffartuussinerit atorsinnaanngikkalllarput.
Annonse
Taamatut ajoquteqartoqarnerata kingunerisaanik, pineqartuni Internetikkut attaveqartoqarsinnaanngikkallarpoq, normunik paasiniaavik 118 attavigineqarsinnaanani kiisalu oqarasuaatitigut videokkullu ataatsimiinnisamik inniminniisarfik 140 aamma attavigineqarsinnaanani.
Iluarsaanissamut atortussat Nuummiit nassiunneqarput, TELE-POST-imiillu naatsorsuutigineqarpoq aqagu tallimanngornermi atortussat Qasigiannguanut apuunneqariarpata pineqartut attavigineqarsinnaalissasut, TELE-POST nalunaarpoq.
Atusiut oqarasuaataasa normui telefonbogini imal. www.tele.gl aqqutigalugu takuneqarsinnaapput.
Pisoq TELE-POST-ip ajuusaarutigaa, atortussallu tikeriarpata pineqartut erngerlutik attavigineqarsinnaanissaat sulissutigineqarluni.