Norsami inuttat coronaqalersimagamik angerlarsimaannartut
Air Greenlandi atlantikukkoortaammi Norsami inuttassaaleqineq pissutigalugu Spaniamiut timmisartuannik attartortariaqarsimavoq.
Air Greenlandi qaammatikkaartumik Pituffimmut attartorneqarluni pingasunnornermi timmisartuussisussaagaluarpoq, timmisartuussinissarli suliussaaleqineq pissutigalugu taamaatiinnarneqarsimavoq.
Sulisussaaleqisoqalersimavoq sulisut coronaqalertoqarsimanera pissutigalugu angerlarsimaannartariaqalermata, Air Greenlandimit Sermitsiaq.AG-mut ilisimatitsissutigineqarpoq.
Norsaq sulisussatut aggersarneqapallassimasut sulisoralugit sisamanngornermi Pituffimmukartinneqassaaq.
Air Greenlandi taamaammat Spaniamiut timmisartuannik Wamosimik atlantikoq qulaallugu Kangerlussualiartussamik attartorsimavoq.
Sulisut corona pissutigalugu angerlarsimaannartussaammata Spaniamiut timmisartuanni sulisut spaniamiusut oqaluttuussapput.
- Taamaammat ajoraluartumik kalaallisut danskisullu oqalussinnaasunik sulisoqassanngilagut, timmisartumik nunanit allameersumik attartoraangatta sapinngisatsinnik kalaallisut danskisullu oqalussinnaasunik sulisoqarniartaraluarluta, Air Greenlandimit ilsimatitsissutigineqarpoq.