Nukappissat politiinit malersortittut
Arfininngornermi ullaakkut H.J. Rinkip aqqutaani politiit biilinik malersuinerat
Annonse
Arfininngornermi ullaakkut politiit biilimik aallarussamik malersuinerat, biilimik unitsitsipiloornermik kinguneqarpoq.
Politiit biili aallarussaq aporpaat.
Nuummi politiini pigaartut ittuat ilisimatitsivoq, apornermi inunnik ajoqqusertoqanngitsoq biilillu annikitsuinnarmik ajoqqusertut. Taamaattoq politiit biiliat allamut assartuunneqartariaqarsimavoq.
Biilimiipput angutit marluk tamarmik 17'inik ukiullit, biilimik aallarussineq, biilinik ingerlatsisinnaanermut allagartaqarani ingerlatsisimaneq kiisalu taarsiinissamut akisussaaffik pillugit eqqartuunneqarnissamik naatsorsuutigisassaqalersut.
Biilimik aporsilluni unitsitsineq arfininngornermi ullaakkut tallimat eqqaanni Nuummi H.J. Rinkip aqqutaani pivoq.