Nuna qeriuaannartoq sukkanerusumik aakkiartorpoq
Canadami nuna qeriuaannartoq naastorsuutiginngisamik sukkasoorujussuarmik aakkiartorpoq.
Canadami nuna qeriuaannartoq ilimaginngisamik sukkasuumik aakkiartorpoq. Ilisimatuut ukiuni 13-ini – 2003-miit 2016-imut – Canadami qeqertani pingasuni nuna qeriuaannartoq misissorsimavaat, maannalu aakkiartornerup killiffia aatsaat ukiut 70-it qaangiuppata pissasoq ilisimatuut naatorsuutigisimagaluarpaat.
Taamatut allappoq atuagassiaq Live Science.
- Tupaallassimaqaagut takugatsigu sumiiffiit taakkua silap kissarnerulerneranik taama sukkatigisumik sunnerneqarsimammata, ilisimatuut ilaat, Louise Farquharson oqarpoq.
Videnskab.dk-p misissuineq aamma allaaserisimavaa. Allaaserisami paasissutissiisoqarpoq satellitsikkut assilisat takutissimagaat Canadami qeqertani taakkunani pingasuni nuna siusinnerusukkut qeriuaannarsimasoq qanoq isilluni pututilersimasoq, immussuup qaavatut isikkoqalerluni. Putut pilersarput aannerup taseraanik pilersitsoqaraangat, nunap qaavaniinnaanngitsoq nunalli aamma iluani itinerusumi.
Allaaserisaq tamakkerlugu aviisimi AG-mi atuarsinnaavat. Aviisi uani ataani pissarsiariuk: