Nunani avannarlerni ilisimatuut Nuuk tikeraaraat

'Suliffeqarnermut siunersuinerit' Nuummi ingerlanneqartussami ilaatigut nunanit avannarlerneersut saqqummiissapput, ilisimasatik nassuiaallugit kiisalu ilisimatuutut misissuisimanertik saqqummiussallugit. Ilaatigut saqqummiissaaq Shahamak Rezaei, ph.d., Roskilde Universitetimeersoq, namminersorluni aallartisarnissaq pillugu saqqummiillunilu siunersuissaaq. Aamma Hrobjartur Árnáson Islandimeersoq atortorissaarutit atorlugit qanoq siunersuisoqarsinnaanersoq saqqummiutissallugu.

Nordisk Netværk for Voksnes Læring 'NVL'-ip pisussaq aaqqissugaraa, soqutiginnittullu tamaasa tikilluaqqusaapput matsip 18-ani 19-anilu ingerlanneqassallutik. Saqqummiinerit akeqassanngillat tassani siunersuisoqartassallunilu suliffeqarfinni sulinerit eqqartorneqassallutik.

Siunersueriaaseq nutaaq

Peqataasut ilisimatuussutsikkut misissuisimanerit nutaanik saqqummiiffigineqassapput, paasisat paasiniaanermullu atorneqartartut saqqummiiffigineqassallutik.

Pisussaq pingasunngorlugu agguataarneqarpoq:

• Aallartisaaneq kiisalu siunersuineq

• Pisinnaassutsinut misilittaanerit suliffeqarfinnullu qanoq nuutsinneqarsinnaaneri misissorneqassapput

• Ingerlariaqqinnissamut siunersuineq

Uani linkimi peqataanissamut allatsittoqarsinnaavoq, kikkut saqqummiissanersut susoqarumaarnersorlu aamma takuneqarsinnaassalluni

Kalaallit Nunaanni siunersuinermut suliaqartartut peqataanissamut tikilluaqqusaapput.