- Nunanit allaneersut nammineerluta aqussinnaavavut
Suliniutini angisuuni nunanit allaneersunik akissarsiakitsunik sulisussarsiornissaq Folketingimi sakkortuumik oqaluuserineqarpoq. Tamatumani nunanit allaneersunut inatsimmik qasukkaamisitsinissaq pisariaqassaaq, tamannalu Danmarkip ullumikkut akornusersinnaavaa
- Suliassaqarfik najugaqalernissamut sulisinnaanermullu akuersissutinut tunngasoq nunatsinnut nuussinnaavarput. Siunissami ungasinngitsumi taamaaliornissarput ilimagaara. Tassami suliniutit piviusunngortinneqassappata sulisartunik tamakkuninnga tikisitsinissamut atatillugu suleriaatsimik eqaatsumik atorfissaqartitsisussaavugut.
Taama IA sinnerlugu Folketingimut ilasortaq Sara Olsvig, Siumumeersoq Doris Jakobsen assigalugu Folketingimi ammaalluni oqallinnermi apeqqarissaarfigineqartoq, oqarpoq. Tamatumani Naalakkersuisut suliniutinut annertuunut sinaakkusiinissamut inatsisissatut siunnersuutaat partiinit arlalinnit sukannersumik isiginiarneqarpoq. Inatsisissatut siunnersuut taanna sulisartunik akissarsiakitsunik nassataqarumaartoq Danmarkimi partiinit arlalinnit ernummatigineqarpoq.
Nunatsinnili aaqqiissutissamik nassaartoqalerunarpoq. Allaaserisaq tamaat uani sapaatit akunnerani AG-mi pisiariuk, taannalu uani pisiarisinnaavat: