Kina
Nunanut allanut ministereqarfiup qallunaat Beijingimiittut saassunneqarnissamik mianersoqquvai
Nunat arlallit innuttaasutik Beijingimiittut, takuniartakkami nuannarineqartumi kitaamiunik sioorasaarisoqarneranik mianersoqquaat
Qallunaat, Kinami illoqarfiit pingaarnersaanni Beijingimiittut, juullikkunni immikkut mianersoqquneqarput.
Qallunaat Beijingimi aallartitaqarfiat paasissutissinneqarsimavoq illoqarefimmi ornittakkami nuannarineqartumi Sanlitunimi kitaamiut decembarip 25-ata missaani ulorianartorsiortinneqarsinnaasut.
DR naaper4torlugu Nunanut allanut ministereqarfik nittarakkamini taamatut allappoq.
PIviusunik paasissutissaqanngilaq
Borgerservice DR Nyderne-mut paasissutissiivoq sioorasaarineq pillugu maannangaaq annertunerusumik paasissutissaqanngitsoq.
Nunat allamiut tusagassiorfii arlallit allapput tuluit amerikarmiullu oqartussaasuisa innuttatik Kinami illoqarfimmi millionilikkaanik inulimmiittut taamatuttaq mianersoqqugaat.
Mianersoqqussut sungaartoq
DR naapertorlugu Kinamiut oqartussaasui mianersoqqussuteqarsimapput "mianersoqqussummik sungaartumik" taasamik, taannalu nunami isumannaatsuunermut mianersoqqussutit sisamanik immikkoortullip appasinnersaasa apparaa.
Pisiniarfissuit
Mianersoqqussummi ilaatinneqarput Beijingimi pisiniarfissuit supermarkedillu angisuut. Tassanilu naalagaaffiup nutaarsiassaqartitsivia Xinhua naapertorlugu tamanna isumaqarpoq pisiniarfissuaqarfiit isumannaatsuunermut arlalerierlutik misissorneqartassasut aammalu eqqaaviit tamanit atorneqartut akunneq affakkaarlugu misissorneqartassasut.
DR naapertorlugu Nunanut allanut ministereqarfiiup erseqqissarpaa Kina nuna najugaqarfigalugu nalinginnaasumik isumannaatsuusoq, taamaattumillu nunami pingaarnerusumik isumannaatsuuneq allanngortinneqanngitsoq.
/ritzau/