Nunaqarfeeqqamut millionit isaapput
Kujataani nunaqarfimmi Aappilattumi tunisassiorfiup Royal Greenlandip 2014-imi aningaasaliissutaa iluaqutigilluarpaa.
Royal Greenlandip Aappilattumi kujataaniittumi tunitsivik 2014-mi ammarmaguli Aappilattumi aalisartut puisip amiinik tunisinermik 2014-ip tungaanut inuussutissarsiuteqarsimasut isertitarisartagaat amerlanerujussuanngorsimapput.
2,5 millionit koruunit
Siorna 2,5 millionit koruuninit isertitarineqarput, tamannalu ukiumut siulianut sanilliullugu 1 millioninik qaffasinneruvoq, Royal Greenland nittartakkamini allappoq.
- Aappilattumi tunitsiviup ammarnerata kingorna Royal Greenland Aappilattumi aalisarnerup ingerlallualernissaa tamannalu ilutigalugu tunitsivimmut tunisat annertunerulernissaat anguniarlugit illumik aalisartunut Aappilattup avataaneersunut illusisimmavissamik pisinikkut taamatuttaaq aalisartunut arfineq-marlunnut umiatsiaaqqanik aalisarnermullu atortunik pisinermut aningaasanik atukkiinikkut arlalinnik suliniuteqartarsimavoq.
Umiatsiaararsortut 24-t
Nunaqarfeeraq Aappilattoq 111-nik inoqarpoq, 24-inillu umiatsiaararsortunik aalisartunik tunitsivimmik atuisoqarpoq.