nunaqarfiit
Nunaqarfiit oqallisigisinnaanissaat G-60-ip ernumanarsitippaa
– Maanna sumi najugaqariaatsi a inissisimanerata a atiinnarnissaa qanoq akeqarnersoq paasisariaqarparput, Demokraatineersoq Michael Rosing oqarpoq
Sumi najugaqariaaserput Nuna tamakkerlugu pilersaarusiornermut nalunaarusiami ‘Ataqatigiissaarineq pisariaqartinneqartoq’-mi pingaarnerpaatut sammineqarpoq, aningaasaqarnermut Naalakkersuisoq Anda Uldum qaammatit arlaqanngitsut matuma siornagut saqqummiussinermini taama oqarpoq.
Taamaattorli sumi najugaqariaaserput tassarpiaavoq Inatsisartuni partiit amerlanerit sammissallugu avaqqutaaginnarusuttagaat, novembarillumi 19-ianni oqallinnissaraluaq qatangiinnarpoq.
Ingerlatsineq akisooq
Nunap inuisa 56.000-iusut nunarsuarmi qeqertat annersaanni najugaqariaasiisa oqallisigineqarnissaa taamaallaat Demokraatinit ornigineqarpoq.
– Politikkikkut amerlanerussuteqartunit sumi najugaqariaatsimi illoqarfiit 17-it aamma nunaqarfiit 56-it attatiinnarneqarnissaat ingerlanneqarnerallu akisoqisoq kissaatigineqarpata, tamanna Demokraatinut ajornartorsiutaanngilaq, Demokraatineersoq Michael Rosing oqarpoq, taamaallaat tamanna qanoq akeqarnersoq aamma suut tunulliuttariaqassanerivut paasisariaqarpavut.
G-60
Tamannarpiarlumi ajornartorsiutaavoq.
– Akisuumik sumi najugaqariaaseqarnerput partiit allat attatiinnarusuppaat, tamatumali qanoq akeqarnerata paasinissaa kissaatiginngilaat, Michael Rosing Sermitsiamut oqarpoq.
Sooruna kissaatiginngikkaat?
– Kinaluunniit tamakkuninnga apeqquteqartoq ingerlaannarluni G-60-imut nunaqarfinnillu matooraanermut illersuisutut pisuutinneqartarnera, tamatumunnga pissutaavoq, Michel Rosing oqarpoq.
Allaaserisap sinnera Sermitsiami saqqummertumi atuaruk, taanna uani pisiarisinnaavat: