Nunarput franskit tusagassiorfiini
Kalaallit Nunaata siunnissaa fanskit tusagassiorfiini arlalinni sapaatip akunnerani uani sammineqarpoq.
»Kalaallit Nunaat"" namminersuleriartorpoq«. Taamak franskeq tv-mi aallakaatitsinermi aqutsisuusartoq præsidentinik ministerinillu apeqqarissaarnermi sungiussisimalluartoq franskit tv-qarfianni LCI-mi nunarsuaq tamakkerlugu nutaarsiassanik aallakaatitsinermini inerniliivoq. Tamatumuuna Kalaallit Nunaat Ilulissanilu Issittoq pillugu isumasioqatigiinneq qulequttanut pingaarnernut ilaapput. Namminersorneq innuttaasunillu taasititsinissaq taaneqarput. TV-mi aqutsisuusup "silaannaap allanngoriartornerinut" ussagarfiusuuvoq, kikkut tamarmik iluliarsuit killingini assilisiffigeruffiattut.
Radio France Internationale-p radioaviisiani Kalaallit Nunaat Ilulissanilu Isumasioqatigiinneq "ullup-qeqqannut nuntaarsiassaavoq" soqutiginninnermik annertuumik pilersitsilluni. Nunap pissusaatigut politikkikkut ineriartorneq, apeqqutit silaannaap pissusaanut nukissiornermullu tunngasut, Qeqertapaluk kiisalu namminersorneq sammineqartut ilagaat.
Kalaallit Nunaat pillugu ilisimasaqarluartup Damien Degeorges-ip tusagassiortut alapernaatsut radioqarfinni marluusuni Kalaallit Nunaata ornitai pissanganartut oqaluttuarai. Radio France Internationale oqaatsit arlallit atorlugit aallakaatinneqartartoq nunarsuarmi tamarmik inunnit 40 millionit missaanniittunit tusarnaarneqartarpoq.