Ussassaarut
pilluaritsi
Nunarput palasinik pingasunik pisuunnguallaateqarpoq
Teologimi kandidatit pingasut, palasinngorniarlutik Ilisimatusarfimmi pikkorissaareerlutik, maanna palasitut sulisinnaalerput
Ussassaarut
Ussassaarut
Ussassaarut
Nunarput inunnik pingasunik palasitut sulilersinnaasunik pisuunnguallaateqarpoq.
Tamanna pivoq teologimi kandidatit pingasut oqaluffimmi suliassanut tunngavissiisumik palasinngorniarlutik Ilisimatusarfimmi pikkorissareersullu.
Kandidatit taakkua pingasut oqaluffimmi suliassanut tunngavissiisumik palasinngorniarlutik pikkorissarnertik, ilagiit tunngavissiisumik palasinngornianut ilinniarfigisaanni, palasit ulluinnarni suliassarisartagarpassui pikkorissarfigaat.
Atuaruk: Ilisimatusarfimmi nutaamik ilinniarfissaqalersoq
Ilinniarnerminnik naammassinnittut
Oqaluffimmi suliassanut tunngavissiisumik palasinngorniarlutik pikkorissareerlutik naammassisut pingasut tassaapput Ole Christiansen, Henriethe Didriksen Zeeb aamma John Johansen.
Ilisimatusarfimmi atuagarsorneq tunngavigalugu teologimik ilinniarnerit oqaluffimmi suliassanut tunngavissiisut, palasinngorniarneq pikkorissarnertut ilinniagaqarneruvoq, teologimi bachelorit kandidatilluunniit kalaallit oqaluffiini palasitut atorfininnissamut piginnaasanik pisariaqartinneqartunik pissarsiffigisassaat.