Nunarsuarmi allattorsimaffimmi Kalaallit Nunaat siuttuusimasoq
1960-ikkunni meerarpassuit inunngorput, kisianni innuttaasut amerliartupiloornerat spiralit1966-imi kigaallisippaat. Ikileriarnerat annertungaarmat, nunat 82-t allattorsimaffianniKalaallit Nunaat siuttuulersimavoq. - Appariarneq arnat utoqqaanerit akornanniannertunersaavoq, nakorsaaneq ilisimatitsivoq.
Spiralilersuineq pillugu misissuinerup nalaani AG-p USA-mi nalunaarusiaq manna tikillugu ilisimaneqanngitsutut isigineqarsimasoq qulaarpaa. 1960-ikkunniit 1970-ikkut tungaanut Kalaallit Nunaanni inunngortut amerlassusaata appariarnerat nunarsuarmi tamarmi appariarnerpaagunartut, tassani takutinneqarpoq.
Aviisi AG taama allappoq.
Nalunaarusiaq 1974-imi aggustimi The George Washington Universitymit saqqummersinneqarpoq, allaaserinnittuuvorlu professori R.T. Ravenholt, USA-mi »ukiuni hunnorujukkaani makkunani innuttaassutsimik misissuinermi sunniuteqarnerpaasimasutut« taaneqartoq. Nalunaarusiami nunat 82-t kisitsisitigut takussutissanik atorsinnaanerusunik peqartut ilanngunneqarsimapput.
Kalaallit Nunaat siuttuuvoq:
- Kalaallit Nunaanni ukiut qulit ingerlaneranni inunngortut ikileriarnerpaasimapput, inunngortartut kisitsisaat 48-niit 24-nut, R.T. Ravenholt allappoq. Tuluit Nunaata nunasiaateqarfigisimasaani Saints Kitts Nevis allattorsimaffimmi tulliuvoq, taanna qanga Den Vestindiske Føderationimut ilaasimavoq. Allattorsimaffimmi Hong Kong pingajuattut inissisimavoq. Danmark allattorsimaffimmi alliit ilaanniilluni piffissami tassani inunngortartut kisitsisaanni appariarnermik annikitsuinnarmik nalaataqarpoq, 16imit 15-imut.
Aviisimi AG-mi atuarnerusinnaavutit:
