Nunarsuarmi kangerluit annersaasa tulliat tatineqartoq
Nuup eqqaani nunaannarmut pilersaarut nutaaqtakkutilersoq.
Nuup Kangerlua nunarsuarmi kangerluit annersaata tulleraat taamaallaat Kangertittivaq anginerulluni, taamaakkaluartorli Nuup eqqaani nunaannaq imartarlu tatineqarput.
Aviisi Sermitsiaq taama allappoq.
Sorpassuit arlalitsigut imminnut assortuuttut soqutigineqartarput – assersuutissaqqippoq qipoqqaq qamutilimmik tuukkartalimmik piniartutut inuussutissarsiuteqartunit kiisalu takornarianit videoliuutilinnit soqutigineqartarpoq. Kissatsissimaarluni oqallinnermit ima oqartoqarsimavoq: »Qipoqqaq uumasoq qipoqqarmit toqusimasumit quleriaammik naleqarneruvoq«.
2011-mi kommunit nunaannarmut tunngasut akisussaaffigilerpai.
Nunarsuarmi kangerluit annersaat danskisut Godthåbsfjordenimik Scoreby Sundimillu taagorneqartut tamarmik Kommuneqarfik Sermersuup isuiniipput, novembarillu 20-ani kommunalbestyrelsimi Nuummut nunaannarmut pilersaarutissaq nutaaq pillugu sammisaqartitsisoqarluni pilersaarummut atuuttumut apriilimi 2011- mut taartaasussaq pillugu.
Nuup eqqaani nunaannaap imartaatalu atorneqarnerata nakkutigineqarnerulernissaata pisariaqarnera sammineqarpoq.
Sammisamut ulloritinneqartoq pillugu allaaserisaq tamaat aviisimi Sermitsiami atuarsinnaavat. Aviisi uani pissarsiarisinnaavat:
