Nunat Avannarliit atuagaateqarfii sapaatip-akunneqartinneqartut

Nunatta Atuagaateqarfiani aamma Nuuk Centerimi sapaatip-akunnerata ingerlanerani arlalinnik aaqqissuinernik ingerlatsisoqassaaq.

Programmimi kalaallisut tuluttullu qilaatersortarneq pillugu ilaatigut Hivshu Peary oqalugiassaaq, workshop aamma ikinngutigiit avannaamiut atuakkaniit qimaasimapput catwalkimilu Nuuk Centerimi naapillutik, Nunatta Atuagaateqarfia taama ilisimatitsivoq.

Nunat Avannarliit atuagaateqarfiisa sapaatip-akunneqartinneqarnerat arfininngorpat naammassissaaq.