Nunat avannarliit siunnersuisoqatigiiffiat unammisitsiniarpoq.
Aningaasaqarnermik ilisimasalinnut pikkorissunut nunat avannarliit siunnersuisoqatigiivi 250.000 koruuninik eqqugassiipput.
Danmarkimi aningaasaqarermut naalakkersuisoqarfik suleqatigalugu Nunat avannarliit siunnersuisoqatigiivi unammisitsiniarput, katillugit 250.000 koruuninik aningaasartalimmik.
Aningaasat eqqugassat, angineq 150.000 koruunit missaaniittoq, tunniunneqassapput inummut, pitsaanerpaamik misissoqqissaarsinnaaguniuk, aningaasaqarnermut politikki akit appartarlutillu qaffattarneranni kingullermi ingerlanneqartoq akit aalajaatsuunissaannik siunertamut naapertuussimanersoq.
Misissueqqissaarnermi ilaatigut nunat avannarliit nunallu attuumassuteqarsinnaasut ilaatinneqassapput. Tunniussiffissaq kingulleq tassaavoq juulip aallaqqaataa 2010.
Aningaasaqarnermut ilisimasallit pikkorinnerpaat nunanit avannarlerneersut tunniussanik naliliissapput, 2010-milu aasaanerani ajugaasoq toqqassallugu.