Nunatsinni siullertut aatsitassanut ingeniørinngortoq

'Akitsuutit dronningiat'.

Taama taaguusersinnaasoraarput naalakkersuisut siulittaasuat Aleqa Hammond, Siumut.

Taamaaliussaagut tuluttut saqqummersittakkatta Greenland Oil & Minerals tulliani saqqummersinnerani. Atuagassiami aatsitassarsiornermi suliassaqarfimmi ineriartorneq eqqartorneqartarpoq, uulia immap naqqaniittoq imaluunniit ujaqqat aatsitasartaat saffiugassallu allat qaqqaniittut pillugit. Atuagassiami nutaami sammineqassaaq Inatsisartunut qinersinerup kingorna aatsitassanut suliassaqarfimmut sunniutit. Taamani Siumumit kissaatigineqarpoq akitsuusersuineq annermik atorneqassasoq tunisassiorneq aallaavigalugu akileraarusersuinikkut, aatsitassarsiorfiit sinneqartoorutaannit akileraarusersuinermit piumaneqarnerulluni. Tamatuma saniatigut nunatsinni qaarusuk suliffigineqartutuaq angalaarfigisimavarput. Taanna tassa Nalunami kuultisiorfik aningaasatigut puttaniarluni ilungersorfiusoq. Taamaattumik qaarusummit allaaserisaq takkajaaq kisiannilu aamma nunatsinni aatsitassanut ingeniørinngortut siullersaat naapissavat taassuma ineriartornermut kissaataat paasisassarsiorfigalugit.

Atuagassiaq iserfigisinnaavat Greenland Oil & Minerals aqqutigalugu http://aviisi.sermitsiaq.ag/2013/05/20/oil_2013_21/ taanna Sermitsiaq.AG-p nutaarternerata naammassiartornerani atuukkallassaaq.