Nutartigaq: Aasiaat Napparsimmaviani attaveqaatit iluarseqqipput
Aasianni napparsimmaviup attaveqaatai pingasunngornermiajoquteqarput, taamaattumillu innuttaasut oqarasuaatikkut mailikkulluunniit napparsimmavimmut attaveqarsinnaanngillat.
Nutartigaq: Innuttaasut Aasiaat napparsimmavianut attaveqarsinnaaleqqipput. Internetimut oqarasuaatinullu attaviit sisamanngornermi ualikkut iluarsineqarput. Aasianni innuttaasut napparsimmavimmut attaveqassagunik oqarasuaat atuuttoq: 892211 sianerfigisinnaavaat, peqqinnissaqarfik ilisimatitsivoq.
Aasiaat Napparsimmaviani sulisut maannakkut oqarasuaatikkut mailikkulluunniit attaveqarfigineqarsinnaanngitsut peqqinnissaqarfik ilisimatitsivoq.
Pingasunngornermi februaarip 28-anni ualikkut ajutoorneq pissutaavoq.
- Tamanna isumaqarpoq napparsimmavimmut normumut 892211-mut innuttaasut sianersinnaanngitsut.
Peqqinnissaqarfiup attaveqaqatigiinnermut immikkoortortaqarfia naapertorlugu pinasuartoqartillugu inuit napparsimmavimmut sianersinnaapput oqarasuaat 560752 atorlugu.
Nakorsaatit inuunermut pingaaruteqartut pisariaqartinneqarpata nakorsaataarniarfimmut aallernissaq suli periarfissaavoq, aamma ajoqusersimasut nakorsiartarfiannukarnissaq suli periarfissaavoq, nalunaarummi nangilluni allassimavoq.