Nutartigaq: Angut ujaarineqartoq ajunngitsoq nassaarineqarpoq
Politiit angummit 24-nik ukiulimmit pingasunngornermi unnukkut Qasigiannguaniit Ilulissanukartumit tutsiuffigineqarusupput. Angut sisamanngornermi Aasianni naapinneqarpoq.
Angut sisamanngornermi ullaap tungaani Aasianni naapineqartoq ilanngunneqarpoq.
Politiit sisamanngornermi unnukkut qulingiluat missaanni nalunaarfigineqarput angut 24-nik ukiulik Ilulissaniit Qasigiannguanut aallareerluni maqaasineqartoq.
Tamanna pigaartut pisortaata Ole Haldip Sermitsiaq.AG-mut uppernarsarpaa.
Politiit paasissutissaat naapertorlugit 24-nik ukiulik umiatsiaaqqamik Scandic 5-seriemik, ammaannartumik initalimmik illuttullu sungaartunik refleksilimmik, aallarsimavoq.
- Allamut qimaasimanersoq tusarusupparput, Ole Hald oqarpoq.
Pigaartut pisortaat nangilluni oqaluttuarpoq Issittumi Sakkutooqarfik kalerrinneqarsimasoq, Aasiaallu Radioa pan pan-imik nalunaaruteqartoq, SAR-imilli ujaasineq suli aallartinneqarsimanngitsoq.
Aasianni naapinneqartoq
Sisamanngornermi ullup-qeqqata siorna Ole Hald nalunaarpoq angut 24-nik ukiulik Aasianni nal. 11.30 missaani nassaarineqarsimasoq. Angut ajunngilaq, maqaasineqarlunilu nalunaarfigineqarsimalluni, tamatumalu kingorna Aasianniit aallartinneqarsimalluni.
- Taamaattumik suliaq maanna unitsipparput, Ole Hald oqarpoq.