§ 37 apeqqutit
Nuugaatsiami tunitsiviliisoqarnissamik kissaateqartoq
Inatsisartuni ilaasortap Nuugaatsiap Illorsuillu eqqaani tunitsiviisoqarnissaa kissaatigaa
Karrani tassaarsuaqarnerata kingorna Nuugaatsiami Illorsuarmilu tunitsiviit matuneqarnerisa kingorna Nuugaatsiap Illorsuillu eqqaani tunitsiviliisoqarnissaa Partii Naleqqap Inatsisartuni ilaasortaatitaata Henrik Fleischer, kaammaattuutigaa
- Unammilleqatigiinneq qularnanngitsumik tamaani assut innarlerneqarluni, siammasinnerusumillu aalisarsinnaanerugaluaq innarlerneqarsimassalluni, Henrik Fleischer Illorsuit Nuugaatsiallu eqqaani tunitsiveqarniarnermut pissutsit pillugit paragraf 37 naapertorlugu Naalakkersuisunut apeqquteqaatini tunngavilersorlugit ilaatigut allappoq.
Illorsuarni tunitsiviup, tunisiffiusinnaanera annertusarneqareerluni ullormut qanoq amerlatigisunik tunitsivigineqarsinnaanera Henrik Fleischerip ilaatigut paaserusuppaa. Nuugaatsiamilu tunisassiorfiup agguaqatigiisillugu qanoq amerlatigisunik tunitsivigineqartarsimanera aammattaaq paaserusullugu.
- Tamakku tungavilersuutigalugit kissaatiginarpoq umiarsualiisoqarnissaa piaartumik sulissutigineqassasoq aamma unammilleqatigiinneq eqqarsaatigalugu, Henrik Fleischer tunngavilersuivoq.