Nuuk: Atuarfissualiorneq kinguaattoorpoq
Nuup illoqarfiata qeqqani atuarfissuarmik sanaartorneq kinguaattoorfiuvoq.
Atuarfik Inussuk marsip aallaqqaataani naammassineqartussatut pilersaarutaagaluarpoq. Angumerineqarnavianngilarli, Kommuneqarfik Sermersuumi illoqarfiup ineriartortinneqarnissaanut sanaartornermullu ingerlatsivimmi pisortaq Søren Sohn Krog Pedersen ataatsimiititaliamut januaarip 25-ani oqarpoq.
Ulloq alla tunniussiffiusinnaasoq tamannalu isumaqatigiissummut qanoq sunniuteqarsinnaanersoq pillugit ingerlatsivik sanaartortitsisumik oqaloqateqartoq, ataatsimiititaliap ataatsimiinneranit imaqarniliami atuarneqarsinnaavoq.
Aqutsisoqarfimmi pisortaq Sermitsiaq.AG-mut itisiliivoq:
Atualertoqartinnagu piariissaaq
- Atuarfik Inussuk aggustimi atualertoqartinnagu piareerluinnassasoq suli naatsorsuutigaarput, qaquguli tunniunneqassanersoq maannamut oqaatigisinnaanngilarput.
Nangilluni oqarpoq:
- Taamaattumik suli siusippallaarpoq oqaatigissallugu assersuutigalugu ullormut akiligassat atuutilernersut, tamannami soorunami aamma sanaartornermik ingerlatsisumik Istak-imik pitsaasumik, ineriartornartumik aaqqiissutissarsiortumillu oqaloqateqarnitsinnut ilaammat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...