Nuuk: Biilit amerliartupiloorput
Angallannermik nalunaarsuinermi Kommuneqarfik Sermersuup suliarisimasaani takuneqarsinnaavoq 2021-miit 2023-mut biilit amerliartupiloorsimasut.
Ukiut marluk ingerlaneranni illoqarfiit pingaarnersaanni biilit 12 procentimik amerleriarsimapput, innuttaasulli 4 procentiinnarmik amerleriarsimallutik.
Angallannerup nalunaarsorneqarnerata inernera naapertorlugu illoqarfiup qeqqani aqquserngit angallaffiunerpaapput, illoqarfiullu sinnerani aqquserngit angallaffiunerpaat amerliartorput, ilaallu ikileriarlutik.
Sipisaq Kangilleq – Eqalugalinnguit – Peter Thårup Høeghip Aqqutaa, tamatumalu kingorna Borgmesterip Anniitap Aqqusernga suli angallaffiunerpaapput. Ullormut biilit 10.000-init amerlanerusut taakkunatigoortarput.
Ikaartarfik sullorsuarlu
- Ikaartarfik nutaaq sullorsuarlu ingammik Qinngorpumut Qinngorpumillu angallannermut Eqalugalinnguanut oqilisaataavoq. Sullorsuaq ataasiinnarmut ingerlaarfiummat sullorsuakkut angallannermik killeqartitsivoq, eqikkaanermi allassimavoq, taannalu Aningaasaqarnermut Inuussutissarsiornermullu Ataatsimiititap tulliani ataatsimiinnerani februaarip 20-ani saqqummiunneqassaaq.
Nalunaarusiami uku erseqqissarneqarput:
- 2021-mut sanilliullugu angallaffiunerpaat 18-inik amerleriarsimasut aqqanilinnillu ikileriarsimasut.
- Eqalugalinnguani, Sipisaq Kangilliup Qernertunnguanullu akornanni ullormut angallattoqarnerpaasartoq, tassani aqqusinermi ullormut 18.100-t biilertarmata.
- Aqqusinersuarmi aamma H. J. Rinksvejimi angallanneq ukiut ingerlaneranni nikissimanngitsoq – H. J. Rinksvejilli kangiatungaani angallanneq annertuseriarsimasoq kitaatungaanilu annikilliartorsimalluni.
- Quassunnguani angallanneq annertusoq, ukiut tamangajaasa 2.000-t missaanniittartut maanna 3.900-t missaanniipput.
- Sullorsuarmi angallanneq annikilliallassimasoq.
- Borgmesterip Anniitap Aqqusernga angallaffiujartuinnartoq, maannalu ullormut biilit 10.000-init amerlanerusut angallaffigisaraat.
- Ikaartarfiup ammarneqarnerata kingorna Eqalugalinnguit sullorsuullu akornanni angallannerup agguataarnera malunnaatilimmik allanngorsimanngitsoq. Sullorsuup ataasiinnarmik ingerlaarfiunera pillugu killeqartumik angallaffiusarpoq.
Sukkassutsimik nakkutilliineq
- Sukkassutsimik uuttortaanerit takutippaat sumiiffinnit 16-iusunit 13-ini agguaqatigiissillugu sukkassuseq killiliussap iluaniittoq. Sumiiffinni pingasuni sinnerini agguaqatigiissillugu sukkassuseq killiliussamik qaangiisoq nalunaarutigineqarpoq nangipporlu:
- Borgmesterip Anniitap Aqqusernga, ukiut siuliini aamma sukkasuumik ingerlaarfiusimasoq, agguaqatigiissillugu sukkanerpaaffiuvoq. Tassani agguaqatigiissillugu sukkassuseq 68 km/t-imiittarpoq, tamannalu killiliussamik 8 km/t-imik qaangiivoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...