Nuuk: Inissiaqarfiit nutaat iserterfigeriaannanngulersut
Qaammat ataaseq missaa qaangiuppat inissiaqarfinni inissiat nutaat, Peqqinnissaqarfimmi sulisut nuannaarutigilluarsinnaasaat, iserterfigeriaannanngussapput.
Namminersorlutik Oqartussat inissiaatileqatigiiffiata, Illuut A/S-ip, Sarfaarsuit ApS-imit inissiat pingasut, Dronning Ingridip Napparsimmavissuata eqqaani sanaartorneqartut pisiarai, februaarillu aallaqqaataani inissiaqarfik siulleq piareerneqassaaq.
Inissiaqarfiit tamarmik immikkut 30-nik inissiaqarput, taakkunannga inissiat marlunnik initallit arfineq-marluk, inissiat pingasunik initallit 16-it inissiallu sisamanik initaqartut arfineq-marluullutik.
Inissiaqarfiit napasuliat marluk allat ukiup ingerlanerani kingusinnerusukkut naammassineqarnissaat naatsorsuutigineqartut, Illuut A/S-imi pisortaaneq Torben Pauls Sermitsiaq.AG-mut oqarpoq.
Akia
Inissiaqarfit napasuliaq ataaseq 100 milliuunit koruuninik naleqarpoq, kvadratmeterimullu 31.000 koruunit missaannik akeqarluni. Torben Pauls ilisimatitsivoq maluginiarneqartariaqartoq kvadratmeterimut akigitinneqartoq, pingaartumik Nuup qeqqani inissiat tuniniarneqartartunut sanilliullugu, appasinnerimmat.
Inissialiornissamik suliniut alla Nuummi Qinngorpumi inissiaqarfinnik tallimanik sanaartornissamut tunngavoq. Sulili nalunarallarpoq sanaartorneq qaqugu aallartissinnaanersoq, Torben Pauls, suliniut pillugu Permagreenimik suleqateqartoq, oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...