Nuuk Juullip inua Nuummit aamma akissaaq
Post Danmarki juullip inuata Danmarkimiit akinissaanik nalunaaruteqalaaginnartorli, kalallit juullip inuata meeqqat allagaannik akinissaa aamma nalunaarutigineqarpoq.
Kalaallit Nunaanni juullip inuata neriorsuutigaa juullip inuanut allakkanik nassitsiaarsimasut tamarmik akineqassasut. Juullimut allagaq Rensdyrvej 1, Københavnimut nassiunnissaa pisariaqanngilaq, soorlumi tamanna danskit aviisiini taama ullumi atuarneqarsinnaasoq.
AAMMA ATUARUK: Juullip Inua Danmarkimiit akissaaq
– Uivernissaq pisariaqanngilaq. Juullip inuanut allakkat tamarmik allakkatigut akineqassapput Therese Kreutzmann juulimaap allaffiani Nuummi allakkerisuusoq nalunaarpoq.
Allagaq uunga nassiutiinnariaavoq, Juullip Inua, 2412 Nuuk, Kalaallit Nunaat
– Juullip inuata juullertinnagu ullut qulit sioqqullugu allagaq tigoreersimappagu Juullip Inuata allaffiani sukkanerpaamik sullissillutik allakkat akissavaat, taamaasillutik allakkat assammik allatat juullertinnagu Danmarkimut apuussinnaaniassammata, juullip inuata allaffiannit nalunaarutigineqarpoq.
– Juullip inuanut allagaq 24.12 nallertinnagu apuussimanngippat naammagittalaaginnarit, juullimi sulinngiffeqarnerup ingerlanerani akineqassaatit Juullip Inua taassumalu tuttuutaasa nunarsuaq kaajallallugu poortukkat millionilikkat ingerlatereerunikkit nunamit juullimi qaqortuaannartumit akineqassaqqaaravit.